საქართველოს ეროვნული ნაკრების მთავარი მწვრთნელის პოსტზე თემურ ქეცბაიას ბოლო თამაში ყველაზე წარუმატებელი აღმოჩნდა. უგოლო პირველი ტაიმის შემდეგ ქართველი ფეხბურთელები პოლონეთთან 0:4 დამარცხდნენ.
საქართველოს ნაკრებმა საკუთარ მოედანზე ასეთი სხვაობით პირველად წააგო. შეხვედრის შემდეგ გამართული პრესკონფერენცია,რომელსაც თემურ ქეცბაია და ჯაბა კანკავა ესწრებოდნენ მხოლოდ რამდენიმე წუთს გაგრძელდა.
საქართველოს ეროვნულ გუნდში თემურ ქეცბაია 2009 წლიდან მუშაობდა. ჯერჯერობით უცნობია, ვინ დაიკავებს საქართველოს ნაკრების მთავარი მწვრთნელის პოსტს და სად გააგრძელებს კარიერას 46 წლის თემურ ქეცბაია.
მისი განცხადებით, ის ნაკრების მომდევნო თამაშებს გულშემატკივარის რანგში დააკვირდება. გუშინდელი თამაშის წაგებით საქარვლოს ნაკრებმა ევროპის 2016 წლის ჩემპიონატისთვის ბრძოლის მინიმალური შანსი დაკარგა.
