გერმანია ფეხბურთში მსოფლიო ჩემპიონია. მარაკანაზე გამართული ფინალური შეხვედრა ანგარიშით 1-0 დასრულდა. იოაკიმ ლიოვის გუნდმა არგენტინას მარიო გიოცეს მიერ, დამატებულ დროში გატანილი გოლის წყალობით სძლია და მსოფლიო ჩემპიონის ტიტული მეოთხედ მოიპოვა.
ბუნდესნაკრები პირველი ევროპული გუნდი გახდა, რომელმაც სამხრეთ ამერიკის კონტინენტზე მუნდიალის მოგება მოახერხა.
ტურნირის საუკეთესო ფეხბურთელად ფიფა-მ ლეო მესი დაასახელა. საუკეთესო მეკარის ტიტული კი მანუელ ნოიერს გადაეცა.
არგენტინის მარცხს შეტაკებები მოჰყვა ბუენოს-აირესში. მსოფლიო ჩემპიონატის ფინალის შემდეგ, არგენტინის დედაქალაქის მთავარ მოედანზე გუშემატკივრებსა და პოლიციელებს შორის დაპირისპირება თითქმის დილამდე გაგრძელდა. დაკავებულია 30-მდე ადამიანი. შეტაკებების შედეგად, 15 პოლიციელი დაშავდა, რომლებიც მსუბუქი დაზიანებებით საავადმყოფოებში მოათავსეს.
