ქალაქ ზუგდიდის მერიასთან შეკრებილმა ზუგდიდის “ზუგდიდის”ფეხბურთელებმა და ფანკლუბ “აბრაგების” წევრებმა გააპროტესტეს საქართველოს ფეხბურთის ფედერაციის გადაწყვეტილება არ გამართონ ზედაეწერის სტადიონზე წლის ბოლომდე დარჩენილი საშინაო შეხვედრები. ფეხბურთელები და ფანკლუბ”აბრაგების” წევრები ითხოვენ ფეხბურთის ფედერაციამ დართოს მათ ნებართვა საშინაო მატჩების ზედაეწერის სტადიონზე გამართვის.ფანკლუბის პრეზიდენტის გიორგი ბაჩილავას განმარტებით,ხვალინდელი შეხვედრა პრინციპულია ბოლნისის”სიონთან”,ამიტომ განსაკუთრებით მნიშვნელოვანია ამ მატჩის ზედაეწერში გამართვა. ფანკლუბის პრეზიდენტის განმარტებით შესაძლოა საქმე გვქონდეს პირად ინტერესეთან,რადგან ფეხბურთის ფედერაციის პრეზიდენტი ლევან კობიაშვილი და ბოლნისის”სიონის”პრეზიდენტი ლადო ბურდული მეგობრები და ყოფილი თანაგუნდელები არიან. დღესვე ფეხბურთელები ჟურნალისტებთან ერთად ზედაეწერში გაემართნენ ,სადაც სტადიონი მედიასთან ერთად დაათვალიერეს. ზუგდიდის”ზუგდიდმა”3 ნოემბერს მიიღო ფეხბურთის ფედერაციის წერილი,რომლის მიხედვითაც გუნდს წლის ბოლომდე დარჩენილი ორი საშინაო მატჩის გამართვაზე ზედაეწერის სტადიონზე უარი ეთქვა,მიზეზად კი სტადიონის საფარის უმაღლესი ლიგის სტანდარტებთან შეუსაბამობა დასახელდა.
ზუგდიდის “ზუგდიდმა”ფეხბურთის ფედერაციის გადაწყვეტილება გააპროტესტა
