სამცხე-ჯავახეთის ფეხბურთის ფედერაცია მწვრთნელების გადამზადებას იწყებს. ფედერაციის პრეზიდენტი „მეცხრე არხთან“ განმარტავს, რომ ტრენინგები სამ აგვისტოს დაიწყება და ათი აგვისტოს ჩათვლით გაგრძელდება. გელა მაისურაძის თქმით, მონაწილეებს სემინარების ბოლო დღეს გამოცდა ჩაუტარდებათ და ისინი „ცე“ კატეგორიის სერტიფიკატებს მიიღებენ. ტრენინგებამდე მსურველებმა სამცხე-ჯავახეთის ფეხბურთის ფედერაციაში განაცხადი უნდა შეავსონ. დოკუმენტების მიღების ბოლო ვადა 25 ივლისია. გელა მაისურაძის თქმით, სემინარების გავლა ამ ეტაპზე მხოლოდ 25 მსურველს შეეძლება, ამ დროისთვის კი ფედერაციაში უკვე 18 განაცხადია შესული. სამცხე-ჯავახეთის ფეხბურთის ფედერაციის პრეზიდენტი განმარტავს, რომ ამ ეტაპზე რეგიონში სერტიფიცირებული მწვრთნელები არ არიან. საქართველოს ფეხბურთის ფედერაციის მოთხოვნით კი ყველა სპორტულ გუნდში სერტიფიცირებული მწვრთნელი უნდა იყოს, წინააღმდეგ შემთხვევაში ისინი მოვალეობას ვერ შეასრულებენ
სამცხე-ჯავახეთის ფეხბურთის ფედერაცია მწვრთნელების გადამზადებას იწყებს
