2014 წლის საუკეთესო ფეხბურთელი კრიშტიანო რონალდო გახდა. ციურიხის კონგრესჰაუსში გამართულ ფიფას დაჯილდოებაზე მთავარი პრიზი- ოქროს ბურთი 29 წლის პორტუგალიელმა ფეხბურთელმა მიიღო.
რონალდო საფეხბურთო სამყაროს რჩეული ზედიზედ მესამედ გახდა. მეორე, მესამე ადგილები ლეო მესიმ და მანუელ ნოიერმა გაინაწილეს.
დაჯილდოებაზე ასევე დასახელდა წლის საუკეთესო გუნდი, 2014 წლის საუკეთესო მწვრთნელის ტიტული კი გერმანიის ნაკრების თავკაცმა იოახიმ ლიოვმა მიიღო.
2014 წლის საუკეთესო გოლის პრიზი მადრიდის რეალისა და კოლუმბიის ნაკრების ფეხბურთელს ხამეს როდრიგესს გადასცეს. წლის საუკეთესო ქალი ფეხბურთელის პრიზი კი გერმანიის ნაკრების ნახევარმცველმა ნადირ კესლერმა დაიმსახურა.
